Районти ачасемпе çамрăксен пултарулăх çуртĕнче ỹнер искусствин вĕрентекенĕ, хушма вĕрентĕвĕн педагогĕ, креактивлă ỹнерçĕ А. И. Скворцова живопись темипе мастер-класс ирттернĕ. Унта Трак енри вĕренỹ учрежденийĕсен педагогĕсем, хăйсен кун-çулне ỹнер ĕçĕпе çыхăнтарма тĕллев тытнă пултаруллă каччăсемпе хĕрсем хутшăннă. Алла Игорьевна паллă импрессионист-ỹнерçĕсем пирки каласа кăтартнă. Мастер-класа килнисем А. Скворцоваран ỹнерçĕсен чылай вăрттăнлăхĕсене пĕлме пултарнă.